& Ev: 2 Timoteus 1 : 6 - 12                         & Ep: Jesaya 43 : 8 -13

TOPIK:

PARATARATA MA SILEHONLEHON NI DEBATA NA SAHAT TU HO

MINGGU, 04 NOPEMBER 2018

I. Prosesi:

       a. Rap sahundulan ma Ama, Ina dohot Anakhon.

       b. Mardalan ma barisan ni Parhalado laho masuk tu inganan parmingguan i, laos di endehon song leader ma B.E HKBP No. 165 : 1  “ Na basa do rohaM di au”

       c. Molo tarbahen, sada keluarga ma na gabe song leader di parmingguan on.

II. ACARA PARMINGGUON

(U=Uluan; R=Ruas; A=Ama; I=Ina; RN=Remaja Naposo; SL=Songleader)

          U :  Huria na hinaholongan, tama situtu tapasahat Pujipujian tu Debata Ama, AnakNa Tuhan Jesus Kristus dohot Tondi Parbadia, ala ni Pangaramotion dohot PandonganionNa sahat hita nuaeng tu Minggu Keluarga di bulan Nopember on.  Seleleng sabulan naung salpu i, denggan molo sai tapahusorhusor dirohanta angka ulaon dohot panjouon ni Tuhan i tu ganup parsaripeon  ni halak Kristen di parngoluon ni parsaripeon i, di parhuriaon nang dohot di parsaoranta di na humaliang hita. 

         R  :  Nunga tangkas diajari Hata ni Debata hami asa lam togu hadirion nami songon rumahtangga ni halak Kristen. 

         U  :  Didok Topik Bulan Nopember 2018 on do : NGOLU NA GOK PAMUJION TU JAHOWA, Ala ni i, dibagasan lasniroha, tapuji ma Tuhanta i di minggu keluarga sadari on, marende ma hita.  

1.Marende BE. No.  574 : 1 - 3               “Puji ma Debata”                              BL. 574

Ø  Puji ma puji ma Debata, na niainNa do umpuji Debata

Nunga sesa dosami, malum dohot rohami

Puji ma puji ma Debata, na niainNa do umpuji Debata

Ø  Olophon olophon Tuhan i, hatindanghon denggan ni basaNa i

Sai arahon donganmi, ro tu Sipalua i

Olophon olophon Tuhan i, hatindanghon ma denggan basaNa i

                                     ........Musik.... Jongjong.......

Ø  Tagam ma tagam ma Tuhan i, sai pagalak ma tongtong palitomi

Lam jonok ariNa i, salpu parungkilon i.

Tagam ma tagam ma Tuhan i, sai pagalak ma tongtong palitomi

2. Votum

U :    Marhitehite Goar ni Debata Ama, dohot Goar ni AnakNa Tuhan Jesus Kristus, dohot Goar ni Tondi Parbadia na tumompa langit dohot tano on. Amen. Mangasahon Debata sai hamonangan do ulahononta.

R  :    Ngot ma ho ale parhinaloan, tarsunggul ma di buha siang ari.

U  :    Pujiongku ma Ho di tongatonga ni angka bangso ale Tuhan, endehononku ma Ho di tongatonga ni angka marga. Haleluya

R   :    Menyanyikan : HALELUYA.....HALELUYA....HALELUYA.

U  :    Martangiang ma hita : Ale Tuhan Debata, Pargogo na so hatudosan jala Pardenggan basa, Ro di salelenglelengna do asi ni rohaM. Mauliate ma rohanami tu Ho ala diramoti Ho hami nasailaon sahat ro di sadari on. Hupuji hami ma Ho, ala naung sahat tu hami Barita Nauli na sian anakMu Tuhan Jesus Kristus  na pangolu hami. Mauliate hudok hami tu Ho, ala dibagasan dame dohot hasonangan dilehon Ho HataM nabadia i.  Sai asi ma rohaM, urupi ma hami mangulahon na nidokMu, asa hot rohanami jala tarparangehon hami parange nabadia. Sai ajari jala paimbaru ma rohanami, asa lam ias hami ro di hasusuda ni bohalnami, marhitehite Tuhan Jesus Kristus Tuhannami. Amen          

(hundul).

03. K O O R :

04  Marende BE. No. 13 : 9                  “Nda tama endehononhu”                     BL. 213                                                                           

Ø  Ala na so hasuhatan denggan ni basaM Amang

Tatap ma au on pasidung nasa sangkap ni rohaM

Di naposoMon Tuhanhu, pargogoi ma au tongtong

Mangoloi di tano on, nasa na pinatikhonMu

Paima Ho pujionghi salelenglelengna i.

05. Patik ni Debata.

U  : Patik ni Debata di minggu sadari on, tarsurat di Rom 12 :6 - 8, “Ganup manjalo silehonlehon marguru tu ragam ni asi ni roha na tinurpukkonna tu hita: Ia panurirangon, naeng ma mardomu tu haporseaon.

R  :  Ia ulaon marhobas, ba ulaon marhobas ma; ia haguruon, i ma!

U  :  Ia pangapoion, i ma; ia na mangasii, sian bulus ni roha ma; ia na manguluhon, marringgas ni roha ma; ia na marbasabasa, sian las ni rohana ma!

Songon i ma sahatna. Rap ma hita mangido gogo tu adopan ni Debata !

S  :  Ale Tuhan Debata, sai pargogoi ma hami, mangulahon na hombar tu PatikMi. Amen.

06. K O O R

07. Marende BE. No. 218:4                   “Tong do tau haposan ”                      BL.146                                          

Ø Ale Tuhannami sai sondangi ma, sude dongannami na di Sumatra

:;:Dohot halak Nias, halak Borneo; asa tung lam ias lao managam Ho

08. Mangarimangi Partingkian

U  :             Huria ni Tuhanta, tung saluhut do hita manjalo pasupasu na buas sian Tuhanta i. Alani i, patut ingkon hamauliatehonta angka pasupasu na tajalo sian Tuhan i.

A  :             Ale Tuhannami, Ho do mamillit dohot manjou torop jolma asa manjalo sian pasupasuMi. Dipapungu Ho do nang hami nuaeng di huriaM laho pasangaphon Ho, ala uli ni pambahenanMu tu keluarganamibe. 

U  :             Sai didongani Asiniroha ni Debata nagodang i ma sude keluarganta, Patar ma nang pasupasuNa di ngolunta,  jala lam martambatamba pasupasu i di hita marhite ulaonta siganup ari. Holong dohot bagabagaNa, ima na mangaramoti sude keluarga sian ari sadarion, ro di saleleng ni lelengna.

I    :             Saluhutna na boi hupelehon hami, ndada na patuduhon huaso dohot hagogoonnami, alai naeng patuduhononami do holong dohot haunduhonnami tu Ho ale Tuhannami.  

U  :             Naung dihaholongi jala ditopot Debata do keluarga ni halak Kristen di portibi on, JagaonNa jala pasupasuonNa do hita. Aha ma tama bahenonta balosni i ? Ndada sere manang perak pinangidoNa, talehonma angka na dumenggan jala lomoniroha ni Tuhan i tu tonga ni huriaNa, ima songon tanda mauliate ni rohanta tu Ibana.

RN              Ale Tuhannami, huhamauliatehon hami do denggan ni basaM dohot pasupasuM tu hami. Sai ajari ma hami mamuji Ho, anggiat gabe angka anakhon na marhatiuron hami di bagasan Ho, jala gabe pasupasu ngolunami di keluarga nang di masyarakat ni bangsonami.

S   :             (Mangendehon) BE. No.116 : 1              “Ditompa Ho do au”                 BL.243                       

Ø  Ditompa Ho do au, sondangi rohangkon

Tung basabasaMi sude na di au on

Gomgomi pamatanghu, naeng Ho do oloanhu

Sai lehon ma gogongku, lomom naeng ulaonhu

Urupi tatap au tutu Panompa na burju

U  :              Dihaporseai rohanta do, na diparade Debata do hangoluan na dumenggan di angka naporsea i. Sai patogu ma roham, jala pahot roham laho mangihuthon Tuhantai manongtong salelenglelengna.

09. Marende BE. No.417:1-2                     “Rade situtu haluaon”                     BL. 278

Ø  Rade situtu haluaon nanaeng tangkuponmu antong.

Rade nang di ho hatuaon, si halashononmu tongtong

Bernit do ditaon Tuhanmu pasaehon dosam sasude

Tung unang paujat Ibana, sai janghon panghophopNa i.   (Jongjong)

Ø  Patedek sude hahurangan, topoti sandok dosami.

Pangido sai sesa o Tuhan, sude pangalaosiaonhi

Datdati sai saut botoonmu naung sesa dosam sasude

Mardame dagingmu nang tondi maniop tongtong Tuhan i. 

10.  Tangiang manopoti  Dosa.

U  :  Martangiang ma hita : Ale Tuhan Debata pargogo na so hatudosan jala Amanami. Hujou hami do GoarMu na badia i, ala na targogot hami marningot dosanami. Sai marasiniroha ma Ho mida hami on.

R  :  Mangendehon BE. No.182 : 1   “Tu joloM o Debatangku”         BL. 24                     

Ø    Tu joloM o Debatangku sai use do rohangkon

         Sai pasiat tangianghu dohot iluilungkon

U  :             O Tuhan Jesus Kristus, Anak ni Debata na gabe jolma ala ni hami, na mate jala na hehe sian namate, na manaek tu banua ginjang do Ho mangondihon hami. Asi rohaM di hami, sai patongtong ma di hami roha hamauliateon tu Ho.

R  : Mangendehon BE.No. 182: 2   “Tu joloM o Debatangku”         BL. 24

Ø       Husolsoli do rohangku, na gok dosa i tongtong

Ai godang ariaringku, na hubahen ambolong  

U  :             O Tondi Parbadia, pangapul di na marsak roha, pamalum ma saluhut na bernit binahen ni dosanami. Ro ma Ho mangingani hami, asa marlasniroha hami mangulahon lomo ni rohaM. Ho do parhitean ni nasa asi ni roha, sai unang tulak hami. Sai tangihon ma hami, Ho ale Debata Ama, Anak dohot Tondi Parbadia. Amen.

R  : Mangendehon BE. No. 182: 4        “Tu joloM o Debatangku”         BL. 24   

Ø      Ala nii tungki rohangku jongjong di adopanMi

Sai asi rohaM Tuhanhu, sesa nasa dosangki

U  :  Bagabaga ni Debata Taringot tu hasesaan ni dosanta: Parasiroha jala pardengganbasa do Jahowa, lambat tarrimas jala Parasiroha godang. Ndang dibahen tu hita hombar tu angka dosanta, jala ndang dibaloshon tu hita hombar tu angka hajahatonta. Songon asi ni roha ni amaama mida angka anakna, asi ni roha ni Jahowa di angka na manghabiari Ibana. Hasangapon ma di Debata na di ginjang.

R  :  Amen.         (hundul)

11. Marende BE.No. 727: 1                “Hupillit asa marparbue”                        Bl. 727

Ø  Songonon didok Tuhanta Jesus, Ahu do na mamillit hamu

Asa lao hamuna marparbue, jala mian parbuemuna i

Hupadiri asa lao marparbue, jala mian parbuemuna i

Hita na pinillit ni Tuhanta, ingot ma Hata ni Tuhan i

Parbuehon ma nasa na denggan na hombar tu patik ni Tuhan i

Na tarjou do hita paimbaru diri dibagasan Kristus Tuhanta i

Ta solsoli ma nasa dosanta, ta pauba ma rohanta

Tapelehon ma nasa dirinta, baen pelean na mangolu,

na badia di Tuhanta, na hinalomohon ni Debata. Amen  

12.  Epistel  :

 U :             Hata ni Debata, Epistel di Minggunta sadarion ima na tarsurat di Jesaya 43 : 8 – 13, “Togihon tu on bangso na mapitung, atik pe marmata, dohot angka na nengel, atik pe marpinggol nasida. Marluhut ma saluhut angka bangso parbegu jala marpungu angka bangso!  Tung ise ma sian nasida mamaritahon sisongon i, jala di patubegehon tu hita angka na masa na jolo?

R  : Dipatindang nasida ma angka sitindanginasida i, asa dipintori dirina, jala dibege halak huhut didok: Hasintongan do i!

U  :             Hamu do angka sitindangingku, ninna Jahowa, dohot do  naposongku naung hupilliti, asa ditanda jala dihaporseai hamu ahu, jala mangantusi rohamuna, paboa ahu ibana! Jumolo  sian ahu ndang adong tarjadi Debata, dipudingku pe ndang tagamon adong!

R  :             Ahu tutu, ahu do Jahowa, jala ndang adong silehon tua dungkon ni ahu.

U  : Nunga ahu paboahon, jala ahu paluahon, jala ahu patubegehonsa, jala ndang adong debata sileban di tongatongamuna. Alai hamu do angka sitindangingku, ninna Jahowa, jala ahu do Debata.

R  :             Nang tu joloan on sai laos ahu do ibana, jala ndang adong sipalua sian tanganku. Ahu do mambahen, tung ise na manundatisa

U  :             Songonima sahatna: “Martua do na tumangihon Hata ni Debata jala na umpeopsa”.

R  : Amen 

13. K O O R

14. Marende BE.No. 723: 2 - 3     “Tu joloM o Tuhan”                                    BL.723                                                                                                    

Ø  Tu joloM  o Tuhan sai gara rohangkon tung unduk do mangoloi Ho

TondiMi ma tongtong margogoihon au on, mangulahon lomo ni rohaM

Tung pogos pe dison manang sonang tahe, marsigantung tu Ho sasude

Holan Ho huihuthon ndang be diringkon, togutogu ma tu na ture

                                                      (Jongjong)

Ø  Tu joloM  o Tuhan tung marpadan do au ingkon Ho huihuthon tongtong

Ai huboto tangkas na martua do au nang muse dohot di ngolungkon

Tung pogos pe dison manang sonang tahe, marsigantung tu Ho sasude

Holan Ho huihuthon ndang be diringkon, togutogu ma tu na ture

15. Manghatindanghon Haporseaon

       P  Tahatindanghon ma Haporseaonta i songon na hinatindanghon ni donganta sa haporseaon di sandok portibion, rap ma hita mandok:

       S   Ahu Porsea........  ( hundul )

16.  Tingting + Tangiang                                 

17.  Marende No. 517            “Didia angka jolma”   ( Pel. Ia + Ib )                     BL. 354

   

Ø  Didia angka jolma dijouhon Tuhan i.

Na olo suruonghu torop na mago i

Torop do ina Batak nang na marbaju i,

Nang ama dolidoli na mansai dao dope

Ø  Tardidi do nasida ringgas marminggu be.

Marrupa hadaulaton nasida sasude

Alai tung dao rohana,ndang sae dosana i

Tuhanna ndang digolom nang panghophopNa i

---Musik----

Ø  Dison do au o Tuhan sai suru dohot au.

Manjou angka dongan na tongtong mandaodao

Hulehon ma gogongku nang tingkiki tu Ho

Paima mulak dongan ndang olo be au so

Ø  Dilehon Ho hosaMu manghophop hami on.

Tung patut huseahon nang dohot ngolungkon

Humonghop angka dongan na so mananda ho

Na mian di arsakna naeng luluanhu do                                                                

                                                 

18. Jamita : 2 Timoteus 1 : 6 - 12

19. Marende BE No. 666: 1…         “Ingkon do boanonta barita”                        BL.666 

( Pelean II: TU DANA PENSIUN HKBP )

Ø  Ingkon do boanonta Barita, tu inganan na holom i,

I ma holong nang hasintongan dame na manongtong i,

Dame na manongtong

Reff    Ai naung binsar do hatiuron  Nunga salpu na holom i,

           huaso ni Kristus hot tongtong salenglelengnai

Ø  Ingkon endehononta pujian, pasangaphon Tuhanta i,

Na tuk manaluhon na jahat, nang  sinjata porang i,

Nang sinjata porang i.

Reff Ai naung ………

----Musik----

Ø  Ingkon do boanonta Barita, Debatanta do Raja i,

Dilehon Anak sasadaNa, manobus pardosa i,

Manobus pardosa i.

Reff Ai naung ………

Ø  Ingkon do hita manghatindangkon Jesus Kristus Partobus i

Asa tu toropna na olo, manjangkon na sintong i,

Manjangkon na sintong i.

Reff Ai naung ………

20.  Parsuruon

U  :             Hamuna angka dongan na hinaholongan, Dijou Tuhan Jesus do hita ndada holan ro tu adopanNa, alai asa lao nang hita mangulahon parsuruonNa.

R  : Dison do hami, sai suru dohot hami.

U  :             Borhat ma jala hobasi lomo ni roha ni Tuhan i hombar tu angka silehonlehon na sahat tu ho.

R  : Sai suru ma hami laho mamaritahon huasoM sangkapMu na manongtong tu saluhut jolma.

U  :             Sai ingotma, Holong ni Tuhanta i ndang marnamontok, sai imbaru doi ganup ari.

R  :             Mandok Mauliate ma tu Debata.

S   :             Mangendehon BE No. 724  :  4      “Tuhan baen ma ngolungkon”          BL. 724

Ø   Arta hamoraonhi, tau pasangap Ho ma i

Roha nang ulaonhi marbarita nauli

Marbarita na uli

21.  Tangiang Pelean

22.  Tangiang Ale Amanami

23.  Pasupasu

24.  Amen Amen Amen

Selamat Hari Minggu

Horas